اسلام آباد 10 جنوري (اے پي پي)خارجه وزير شاه محمود قرېشي وئيلي دي دوه اړخيزه اړيكې لا مضبوطولو لپاره د پاكستان او رومانيه ترمينځه د شريك اقتصادي كمېشن بحالولو ضرورت دے۔د ګل په ورځ په بخارسټ كښې د رومانيه خپل هم څنګ بوګډان لوسيان اوريسكو سره شريك كنفرنس ته خارجه وزير شاه محمود قرېشي ووئيل د دواړو هېوادونو ترمينځه د اقتصادي مرستې ګڼ شمېر امكانات موجود دي كوم چې د دوه اړخيزه اقتصادي هلو ځلو د لارې استعمالېدې شي۔خارجه وزير هيله څرګنده كړه چې د دې دورې څخه به د دواړو هېوادونو دوه اړخيزه اقتصادي اړيكو ته لا وده ترلاسه شي۔شاه محمود قرشي د رومانيه خپل هم څنګ ته د پاكستان دورې كولو بلنه هم وركړه كومه چې بوګډان لوسيان اوريسكو په خوشحالۍ سره قبوله كړه۔خارجه وزير ووئيل د پاكستان او رومانيه ترمينځه د 53 كلونو سفارتي اړيكو په مهال دوه اړخيزه اړيكې ډېرې په زړه پورې دي۔ده ووئيل دواړه هېوادونه په ګڼ شمېر څانګو كښې يو بل سره نزدې مرسته كوي۔خارجه وزير د دې عزم پخلے وكړو چې دوه اړخيزه اړيكې به سباؤن كښې لا مستحكمې شي۔خارجه وزير ووئيل د كووېډ 19 وبا چېلنجونو باوجود د تېر مالي كال په مهال د دواړو هېوادونو ترمينځه په تجارت كښې 50.6 فيصد رېكارډ اضافه شوې۔خارجه وزير هيله څرګنده كړه چې دا دوره به د دواړو هېوادونو ترمينځه د پرمختګ لپاره نوې لارې متعين كړي۔خارجه وزير د دواړو هېوادونو ترمينځه د سياسي مشاورت په بحالۍ د رومايه خپل هم څنګ مننه وكړه۔خارجه وزير ووئيل پاكستان د اروپائي ائتلاف مهم تجارتي شراكت دار دے او مونږ اروپائي ائتلاف سره په زړه پورې اړيكې لرو ۔ده ووئيل د دواړو هېوادونو چيمبرز آف كامرس ترمينځه لوظ نامو سره به دوه اړخيزه كاروبار كښې نوې موقعې رامخې ته شي۔خارجه وزير ووئيل پاكستان چين سره په ګډه اقتصادي راهداري جوړوي ٬دې سره به پاكستان د نيمې وچې او د مينځنۍ آسياﺀ رياستونو لپاره د تجارت مركز جوړ شي۔خارجه وزير ووئيل د رومانيه هم څنګ سره په ملاقات كښې د افغانستان٬د كشمير صورتحال پشمول په دوه اړخيزه٬سيمه ايزو او نړيوالو چارو هم د خيالاتو څرګندونه شوې
دوه اړخيزه اړيكې لا مضبوطولو لپاره د پاكستان او رومانيه ترمينځه د شريك اقتصادي كمېشن بحالولو ضرورت دے۔ د خارجه وزير شاه محمود قرېشي د رومانيه خپل هم څنګ سره كنفرنس ته وېنا
مضمون کا ماخذ : سانتا کا سرپرائز
متعلقہ مضامین
