د كوم هم چينل اشتهارات نه دې بند كړے شوي، بايد د غير ملکي فلمونو څخه ځائې فلم انډسټري ونه ځپلې شي ، په ”ايکس“ بنديز په نګران دور كښې لګولے شوے ؤ ۔ د اطلاعات وفاقي وزير عطاء الله تارړ د سېنېټ د اطلاعات قائمه کمېټۍ كښې خبرې

اسلام آباد 10 جولائي (اے پي پي) د اطلاعات، خپرونو ، قامي ورثې او كلتور وفاقي وزير عطاء الله تارړ وئيلي دي د كوم هم چينل اشتهارات نه دې بند كړے شوي، بايد د غير ملکي فلمونو څخه ځائې فلم انډسټري ونه ځپلې شي ، په ”ايکس“ بنديز په نګران دور كښې لګولے شوے ؤ ، د ډيجيټل رائټس پروټيکشن اتھارټي په معامله مشاورت روان دے ، مونږ د خبريالانو لپاره هيلتھ انشورنس سکيم بحال کړے۔دا خبرې ده د شورو په ورځ پارليمنټ هاوس كښې د سينيټر سيد علي ظفر په مشرۍ كښې د سېنېټ د اطلاعات لپاره قائمه کمېټۍ غونډه كښې وكړې۔ په غونډه كښې د سينيټر خالده عطيب او سينيټر کامران مرتضيٰ نامې په نېشنل پاليسي بورډ كښې د ممبرز په حيث د شاملولو منظوري وركړې شوه دغسې د اطلاعات او خپرونو وزارت او د دې ماتحت ادارو د كار تګلارې ، ذمه وارو او اړوندو چارو او فائر وال په چارو بريفنګ واغستلے شو۔ د غونډې په پيل كښې په خپلو خبرو كښې وفاقي وزير عطاء الله تارړ سينيټر سيد علي ظفر له د سېنېټ د اطلاعات لپاره د قائمه کمېتۍ چيئرمېن په جوړيدو مباركي وركړه۔ده ووئيل مونږ د جمهوري رواياتو پاسداري كوو، د اطلاعات وزارت به د قائمه کمېټۍ هر ممكن مرسته كوي، مونږ به د کمېټۍ سره په كډه كار كوو۔ وفاقي وزير ووئيل زمونږ مشرانو مونږ ته ښودلې چې سياسي مخالف ژوبل شي نو د هغه كور ته په ورتللو سره تپوس پوښتنه وكړې، د سياسي مخالف په خاطر مونږ خپل د اليکشن كمپائن معطل كړے هم ؤ ۔ده ووئيل سياسي مخالفت سياسي دښمني نه وي، سياسي مخالفينو سره د هېواد د تعمير او پرمختګ لپاره خبري اتري كيدې شي۔ده ووئيل په سياست کښې د يو بل غم او خوشحالۍ كښې بايد ګډون كولو ته وده وركړې شي، په ماضي كښې مونږ په دې عمل كړے۔ زمونږ قائد نواز شريف عمر له د پارلمان سرلوړۍ ته پام لرنه كړې ،د هغه په دور كښې د خارجه پاليسۍ مهم او په سنجيده چارو په وړومبي ځل ايوان كښې د ووټنګ پريكړه شوې وه۔ وفاقي وزير ووئيل د رائے څرګندونې آزادۍ په اړه په 2017 كښې اطلاعات ته تر رسنې د قانون كريډټ هم ټولو پارلماني غړو ته ترلاسه دے،دغه اقدام د هغه وخت حكومت نواز شريف په مشرۍ كښې پورته كړے ؤ۔ عطاء الله تارړ ووئيل مونږ تير وخت څخه زدكړه كړې، هغه هم يو وخت ؤ چې موڼږ په اپوزيشن بنچونو ناست ؤ او نن په حكومت كښې يو،سبا به څوك په اقتدار كښې وي دا چا ته نه ده معلومه،مونږ به په خپل عمل پيژندلې كېږو۔ده ووئيل د هېواد ګټې لپاره اقدامات له به زه به عمر له ستاسو څخه وړاندې يم ۔ د ميډيا ورکرز او خبريالانو واجبات وركولو په اړه کمېټي خبرولو كښې ده ووئيل مونږ نيوز انډسټري له 1.6 اربه روپۍ واجبات وركړي۔ده ووئيل بجټ كښې په نيوز پرنټ كوم ټيکس نه دې لګولے شوے ، وزارت په دې خبره زور راوړے چې خبريالانو او عملې له تنخاګانې دې زياتې كړې شي،د دې ټولو اقداماتو ګټي ميډيا هاوسز او د ورځپاڼو مالكونو ته بايد ورسي او د هغوې واجبات وركړے شي۔ دغسې چې د خبريالانو او ميډيا ورکرز استحصال ونه كړے شي۔په دې موقع سينيټر عرفان صديقي ووئيل راروانه غونډه كښې به د صحافتي تنظيمونو نمائندګان رابللې شي چې د هغوې څخه پوښتنه وكړې شي چې دا ګټي هغوې ته ترلاسه شوې يا نه ۔ په دې د اطلاعات وزير ووئيل پاکستان براډ کاسټرز ايسوسي ايشن (پي بي اے) تحريري پريس ريليز كښې دا انشور کړې،زموڼږ سره د آئي ټي اين اي فورم شته،دې فورم ته چې څوك هم ځي د هغه خبره به اوريدلې شي،د دې فورم د لارې ځپليو خبريالانو او ميډيا ورکرز له د واجبات ګڼ چيکونه وركرے شوي۔ده ووئيل دا معاملات آئي ټي اين اي فورم ته وړلو په ځاے بايد ميډيا هاوسز په خپله توګه ترسره كړي۔ وفاقي وزير عطا الله تارړ قائمه کمېتۍ ته ووئيل دا مهال د كوم هم پرائيويټ ټي وي چينل اشتهارات نه دې بند كرې شوي،ټولو له د هغوې د رينکنګ له مخې اشتهارات وركړے كېږي۔ ده ووئيل هېواد كښې دوه زره ورځپاڼي دي،دغې دوه زرو كښې دوه سوه ورځپاڼي د اے پي اين اېس ممبرز دي ، ډمي ورځپاڼو په اړه اے پي اين اېس ته وئيلي شوي چې په دې اړه تګلاره جوړه كړي۔ دغسې قائمه کمېټۍ د هغه ورځپاڼو تفصيلات په راروانه غونډه كښې وغوښتل۔ سينيټر عرفان الحق صديقي ووئيل اے بي سي نظام كښې شفافيت او اصلاح ته اړتيا ده۔ د اطلاعات وزير ووئيل حکومت بايد خپل ډيجيټل پليټ فارم ولرې كوم لپاره چې پاك چائنه فرينډشپ سنټر كښې كار اوشي ۔ده ووئيل سنټر فار ډيجيټل کميونيکيشن په نامه اداره جوړوو ۔سينيټر پرويز رشيد د اولس لپاره انټرټينمنټ ضروريات پورا کولو او په فلمونو د بنديز په اړه پوښتنه وكړه نو په دې د اطلاعات وفاقي وزير ووئيل بايد مونږ خپلو بچو له جديد ټيکنالوجي وركړو۔ده ووئيل زمونږ د فلمونو د تللو معيار زيات سخت دے، هېواد كښې انټرټينمنټ ته ودې وركولو ته اړتيا ده او دې مقصد لپاره د فلم انډسټري ډاډګيرنه به كول وي۔ده ووئيل غير ملکي فلمونو سره بايد زمونږ فلم انډسټري ونه ځپلې شي،په دې كښې توازن ستالو ته ضرورت دے۔وفاقي وزير كمېټۍ ته ووئيل په پاکستان كښې فلم فنانس فنډ جوړ كړے شوے ٶ٬ مونږ د پاكستان نوميالو فلم سازو ته خواست وكړو چې خپل آئيډياز راوړي ٬ چرته چې په نيوز٬ سپورټس فوكس كېږي هلته د فلم سازۍ هم ډاډګيرنه كيږي۔ ده ووئيل د فلم انډسټرۍ ودې لپاره به ټولې ممكنه هڅې كولې شي۔ د كمېټۍ چيئرمېن د خبريالانو هېلت انشورنس لپاره د بجټ په اړه پوښتنه وكړه نو په دې وفاقي وزير كمېټۍ ته ووئيل د خبريالانو هېلت انشورنس سكيم په تېر دور كښې پېل كړے شوے ٶ٬ مونږ دا سكيم بحال كړے ٬ د اسلام آباد د خبريالانو هېلت انشورنس به مونږ په بشپړه توګه كور كوٶ۔ ده ووئيل د هېلت انشورنس سكيم نه په وړومبي پرآو كښې به پنځه زره خبريالان او ميډيا وركرز مستفيد كېږي، په مجموعي توګه به په ګرد هېواد كښې 30 زره خبريالان او ميډيا وركرز دې سكيم څخه مستفيد كېږي۔ ده ووئيل ګرده هېواد كښې نزدې يو زر روٶغتونونو كښې به ميډيا وركرز ته د علاج معياري سهولتونه ترلاسه شي۔ دغسې قائمه كمېټۍ په تحريري توګه ټول تفصيلات طلب كړل۔ د ډيجيټل رائټس پروټيکشن اتھارټۍ په لړ كښې د اطلاعات وزير كمېټۍ ته ووئيل د ډيجيټل ډومين دننه د كېدونكو جرائمو مخ نيوے ضروري دے، دا مهال ډيپ فيک ويډيو غونډې د چارو مخنيوي لپاره هېڅ مېكنزم موجود نه دے۔ ده ووئيل د ډيجيټل رائټس پروټيکشن اتھارټۍ تجويز راغلے ٶ ٬ كابينې ته چې كله دا معامله وړاندې شوه نو د وزيراعظم خيال ٶ چې په دې د كابينې كمېټي جوړه كړې شي٬ د كمېټۍ مېنډېټ دا دے چې ھغه د ټولو صحافتي تنظيمونو، پارليمنټيرينز، سياسي ګوندونو سره مشاورت وكړي۔ ده ووئيل كمېټي د رانا ثناء اللہ په مشرۍ كښې جوړه كړې شوې چې پكښې د انفارمېشن ټېكنالوجۍ وزير پشمول زه هم د كمېټۍ غړے يم۔ ده ووئيل د اتھارټۍ جوړولو پحقله په پراخه بنيادونو مشاورت روان دے۔ د كمېټۍ چيئرمېن بيرسټر علي ظفر لخوا په سماجي پلېټ فارم ايكس د بندېز پحقله په پوښتنه وفاقي وزير ووئيل په اېكس بنديز په نګران دوره كښې لګېدلے ؤ ځكه چې په دې پليټ فارم د “کمپلائنس” اېشوز وه ۔ ده ووئيل په پاکستان كښې فيس بک، ټک ټاک، سنيپ چيټ او د لنکډن پشمول ټول پليټ فارمز فعاله دي، په ټک ټاک هېڅ بندېز نشته٬ هر ډول کانټينټ هلته پوسټ كېږي٬ عام وګړي دا ګوري٬ ده ووئيل په ايکس بندېز په نګران دوره كښې لګولے شوے٬ په اسلام آباد هائي كورټ كښې داخله وزارت په دې لړ كښې خپل ځواب داخل كړے، دا معامله په عدالت كښې ده، هم عدالت به په دې مناسب پرېكړه كوي۔ د كمېټۍ چيئرمېن ووئيل هڅه به كوٶ چې د پاکستان آئين له مخې ټولو وګړو ته بنيادي حقونه باوري كړے شي، د رائے د اظهار آزادي د هر وګړي بنيادي حق دے٬ وزارت سره په ګده به داسې لائحه عمل اختيارولې شي چې له مخې ئې اولس نه يوازې په حقائقو اډانه معلوماتو ته رسنه ترلاسه كړي بلكې دې ادارو سره د اړوندو خلقو مسئلې په ښه ډول حل شي۔ د قائمه كمېټۍ په غونډه كښې سينيټر عرفان صديقي ووئيل د رائے د اظهار آزادي به متوازن كول وي٬ په سوشل ميډيا ناسم او د ځان نه جوړ كړي خبرونه خپرېږي، د نورو عزت خرابول پكار نه دي، اولس له پكار دي چې د رائے د اظهار آزادۍ په ذمه وارۍ سره استعمال كړي۔ د كمېټۍ غري جام محمد ووئيل د رائے د اظهار د آزادۍ دې خيال دې وساتلے شي، مونږ له د ناسم او د ځان نه د جوړ كړے شوو خبرونو مخ نيوي لپاره لائحه عمل اختيارول پكار دے٬ مونږ ټول د يوې ولنې نمائندګي كوٶ٫ مونږ له به خپل كردار لا موثره كول وي او دا فورم به د هېواد او قام په ګټه استعمالول وي۔ د کميټۍ غړي سينيټر پرويز رشيد ووئيل په سوشل ميډيا يواځې دروغ نه وئيلي كېږي بلكې كومه ژبه چې استعمالېږي ھغه زمونږ اسلامي او معاشرتي اقدارو سره مطابقت هم نه لري٬ د ارشد شريف د کيس پحقله د كمېټۍ چيئرمېن ووئيل کينيا رپورټ جاري كړے ، قائمه کميټي دې دې چارې ته هم كتنه وكړي او د موجوده صورتحال نه دې خبر كړې شي ٬ په دې د اطلاعات وزير ووئيل اړوند وزارت ته به دا معامله ريفر كولې شي او كمېټۍ ته به بريفنګ وركولې شي۔ د اطلاعات او خپرونو وزارت قائمه كمېټۍ ته د وزارت او د دې د ماتحت ادارو د فرائضو، ذمه وارو او د چارو پحقله تفصيلي بريفنګ وركړے شو ٬ په دې لړ كښې د اطلاعات وفاقي سېكرترې قائمه كمېټۍ ته ووئيل په قامي چارو پاليسۍ جوړول د اطلاعات او خپرونو وزارت كار دے۔ دې ووئيل د ميديا پحقله حكومتي پاليسۍ او د اقدامات چارې هم ډيل كولې شي۔ د پرنټ ميډيا انډسټرۍ پرمختګ لپاره سهولتونه وركول، حکومتي اشتهارات، د نيوز پيپرز د آډټ سرکوليشن، په ډيجيټل ميډيا د حکومتي چارو پروجيکشن او د پروموشن پشمول بهرنۍ پبلسټي، براډ کاسټنګ وغېره هم وزارت ډيل كوي۔ كمېټۍ ته ووئيل شول د ادارې انتظامي، انټرنل، ايکسټرنل ونګ، سينټر آف ډيجيټل کميونيکيشن سره سره ډيجيټل ميډيا ونګ هم شته ۔ د وزارت په ماتحت ادارو كښې پي آئي ډي، پيمرا، اے ډي سي او سينټرل بورډ آف فلمز سينسر شاملې دي۔ کمېټۍ ته ووئيل شول انفارميشن سروس اکيډمي، پيمرا،آئي ټي اېن اي، پي سي پي، پي آئي سي، اين ټي پي، پي ټي وي سي، پي بي سي، اے پي پي سي او ايس آر بي سي غوندې ادارې هم د وزارت ماتحت کار كوي٬ ايکسټرنل پبلسټي پحقله كمېټۍ ته ووئيل شول ايکسټرنل پبلسټي لپاره 21 هېوادونو كښې 23 پوسټونه دي ٬ ايکسټرنل پبلسټي ونګ هلته کلتور او رواياتو ته ګوري او د پاکستان نه بهر د پاكستان پبلسټي كوي۔ د كمېټۍ چيئرمېن سينيټر سيد علي ظفر د ايکسټرنل پبلسټي ونګ د تېرو دوو كالو كاركردګۍ او طريقه كار پحقله رپورټ وغوښت ۔ کميټۍ ته ووئيل شول پي ټي وي يوه قامي ورثه ده د دې بهترۍ او بحالۍ لپاره اقدامات كوٶ۔ په دې موقع د اطلاعات وفاقي وزير كمېټۍ ته ووېيل پي ټي وي سپورټس ته د کرکټ رائټس ترلاسه شوي نه وٶ دا ځل آئي سي سي څخه رائټس هم اخستلې شوي چې ورسره د ادارې په امدن كښې ښه اضافه شوې ۔ د پبلک پرائيوټ پارټنر شپ پلو تللو سره به دې اداره كښې بهتري راوستلې شي۔ قائمه کميټۍ د دې ادارې بهترۍ لپاره سفارشات وړاندې كړي نو په دې د كمېټۍ چيئرمېن ووئيل پي ټي وي يوه مهمه اداره ده د دې بهترۍ لپاره ډېر څه كولو ته اړتيا ده ۔ د كمېټۍ چيئرمېن سينيټر سيد علي ظفر ووئيل د خبريالانو د تحفظ پحقله يو قانون جوړ كړے شوے ٶ د ھغې موجوده صورتحال پحقله دې كمېټي په راتلونكې غونډه كښې په تفصيل سره خبر كړې شي۔ قائمه کميټۍ ته ووئيل شول د خبريالانو تحفظ لپاره قانوني مسودہ د بشري حقونو وزارت ته وركړې شوې وه ۔ د كمېټۍ په غونډه كښې د فائر وال پحقله د اړوندو چارو په اړه د اطلاعات او خپرونو وزارت ووئيل دغه معامله زمونږ په اړه نه ده۔ د قائمه کميټۍ په غونډه كښې سينيټرز سرمد علي، عرفان الحق صديقي، محمد طلال بدر، پرويز رشيد، جام محمد اوعبدالشکور خان سره سره د اطلاعات او خپرونو وفاقي وزير عطاء اللہ تارړ، د اطلاعات او خپرونو سېكرترې٬ د پېمرا چيئرمېن او نورو لوړ پورو ګډون كولو۔