اسلام آباد۔10جنوری(اے پی پی)وزیراعظم محمد شہباز شریف اتے مسلم ورلڈ لیگ دے سیکرٹری جنرل شیخ ڈاکٹر محمد بن عبدالکریم العیسیٰ آکھیے جو مسلم ممالک اچ چھوہریں دی تعلیم تے بین الاقوامی کانفرنس دی مشترکہ میزبانی نال عالمی سطح تے ہک چنڳاں سنیہا ویسی، مسلم دنیا لڑکیاں دی تعلیم ودھاوݨ کیتے پرعزم اے۔ اے ڳالھ انہاں اسلام آباد اچ ملݨ ویلھے آکھی۔ سیکرٹری جنرل دے پاکستان آوݨ تے استقبال کریندے وزیراعظم اسلام آباد اچ 11 توں 12 جنوری کوں مسلم ممالک اچ لڑکیاں دی تعلیم بارے بین الاقوامی کانفرنس دی مشترکہ میزبانی کیتے مسلم ورلڈ لیگ دی حمایت تے تعریف کیتی۔ انہاں ات??اق کیتے جو کانفرنس نال ڄڳ اچ ہک مثبت سنیہا ویسی، مسلم ورلڈ لیگ دے مقاصد و اہداف کیتے پاکستان دا عزم برقرار اے۔ وزیراعظم عالمی سطح تے اسلام دے حقیقی تشخص، مسلم دنیا دے مشترکہ مقاصد دی وکالت اتے مذاہب، عقائد و تہذیباں وچال باہمی احترام اتے افہام و تفہیم ودجھاوݨ سانڳے تنظیم دے تعاون دی تعریف کیتی۔ انہاں سیکرٹری جنرل دا پاکستان اچ سیرت میوزیم ٻݨاوݨ دے فیصلے تے وی شکریہ ادا کیتے۔ اتے آکھیے جو پاکستان مشترکہ منصوبیاں کوں تیکھے مکمل کرݨ کیتے بالخصوص سیرت میوزیم ٻݨاوݨ کیتے کم جاری رکھسی۔ ڈاکٹر محمد بن عبدالکریم العیسی ݙسایا جو کانفرنس ??ے چھیکڑ تے مسلم ممالک اچ لڑکیاں دی تعلیم بارے متفقہ “اسلام آباد ڈیکلریشن” جاری کیتا ویسی، کانفرنس اچ پورے ڄڳ توں مختلف شعبیاں دے نامور و معروف مختلف مکاتب فکر دے جید علماء، سکالرز اتے ماہرین تعلیم حصہ ڳھندے پن اتے کانفرنس خواتین دی تعلیم، اسلام و فوبیا ڄھیں موضوعات بارے غلط فہمیاں دور کرݨ اچ مدد ݙیسی۔ملاقات اچ نائب وزیراعظم و وزیر خارجہ محمد اسحاق ڈار، وزیر برائے وفاقی تعلیم و پیشہ ورانہ تربیت ڈاکٹر خالد مقبول صدیقی، وزیر مذہبی امور چوہدری سالک حسین، معاون خصوصی سید ط??رق فاطمی، پاکستان اچ سعودی عرب دے سفیر نواف سعید المالکی اتے متعلقہ اعلی حکام شرکت کیتی۔
وزیراعظم شہباز شریف دی مسلم ورلڈ لیگ دے سیکرٹری جنرل شیخ ڈاکٹر محمد بن عبدالکریم العیسیٰ نال ملاقات
مضمون کا ماخذ : میگا ملینز کا انعام
متعلقہ مضامین
