د هند له خوا د توغندي توغول غېر مسوولانه او وحشتناک حركت دې، مونږ د ځواب په تمه یؤ٬ د خارجه وزير شاه محمود قرېشي ميډيا سره خبرې

APP24-120322 MULTAN: March 12 - Foreign Minister Makhdoom Shah Mahmood Qureshi talking to media persons. APP photo by Tanveer Bukhari

ملتان۔12مارچ (اے پی پی) خارجه وزير مخدوم شاه محمود قرېشي وئيلي دي د هند له خوا د توغندي توغول غېر مسوولانه او وحشتناک حركت دې٬ كه پاكستاني هوائي ځواك نه مانيټر كولې ٬ نه پك كولې او رد عمل ئې ښكاره كړې وې نو د هند د دې حركت په نتيجه كښې به د منطقې امن په داؤ لګېدلې وو او د دوه اتومي هېوادونو ترمينځه درېم اتومي جنګ پېل كېدې شو٬ خارجه دفتر ته هندي هائي كمېشن راوبللې شو او هغه ته خبردارې وركړې شو او ځواب ترې وغوښتلې شو۔ هغه ووئيل د خارجه وزير په حېث د هند لخوا مناسب ځواب ته سترګې په لاره يؤ۔ د دې خيالاتو څرګندونه ده په ملتان كښې ميډيا سره خبرو كښې وكړه۔ هغه ووئيل د ا مريكا ٬ چين او فرانس په شمول د سلامتي كونسل مستقل غړي خارجه دفتر ته راوبللې شؤ او هغه مو د خپلې اندېښنې نه خبر كړل۔ هغه وئيل په حادثاتي توګه د توغندي چلېدل يو وحشتناكه كارروائي ده۔ دې توغندي كمرشل پروازونه ځپلې شؤ۔ درې فلائټس ته زيان رسېدې شو۔ انټرنېشنل ایوی ایشن اتھارټی دې د قانون د خلاف ورزۍ نوټس واخلي۔ د ملګرو ملتونو په شمول نړيوالې ادارې دې په انساني بنيادونو په دې اېكشن واخلي او ذمه وار دې قانون سره مخامخ كړي۔ هغه ووئيل انډين ميډيا دا وائي چې كه دا حركت پاكستان كړې وې نو ميډيا به اور اخستې وو۔ پاكستانۍ ميډيا له به دا مسئله نه يوازې په قومي بلكې په نړيواله كچه هم په ډاګه كول وي۔ هغه ووئيل پاكستان د روس او يوكرېن جنګ حوالې سره يو متوازن بيان وركړې دې۔ پاکستان به د بشري خواخوږۍ په بنياد ډېر زر د يوكرېن اولس له د مرستې سی ون 30 الوتكه ولېږي۔ د پاكستان ګڼ شمېر زده كوؤنكي خېريت سره هېواد ته راغلې دي او كوم چې پاتې دي هغه به هم كه پاك پروردګار ته منظور وي پاكستان ته حفاظت سره راشي۔ په تحريك انصاف كښې د ګروپنګ په اړه د يوې پوښتنې په ځواب كښې خارجه وزير ووئيل ماته په تحريك انصاف كښې ترين او عليم خان چرته هم نه ښكاري۔ د ليګ په اړه د يوې پوښتنې په ځواب كښې خارجه وزير ووئيل مونږ باور لرؤ چې ق ليګ به تحريك انصاف سره مخ په وړاندې ځي۔ د تحریک عدم اعتماد ووټنګ په اړه د يوې پوښتنې په ځواب كښې خارجه وزير ووئيل د قومي اسمبلۍ غونډه رابلل د سپيكر استحقاق دے۔ زما خواهش دې چې د اسمبلۍ غونډه د 22 او 23 مارچ نه وروستو راوبللې شي۔ په 23 مارچ د لانګ مارچ حوالې سره د يوې پوښتنې په ځواب كښې هغه ووئيل لانګ مارچ زما په علم كښې نشته كه تاسو ته معلوم وي نو ماته يۍ وښايۍ زما په معلوماتتو كښې به اضافه وشي۔

مضمون کا ماخذ : قدیم مصری کلاسک