دوبئي 23 اکتوبر(اے پي پي) د اطلاعاتو او خپرونو وفاقي وزير چوهدري فواد حسېن وئيلي دي چې پاكستان په افغانستان كښې امن او استحكام غواړي، افغان حكومت به په يو اړخيزه توګه تسليم نه كړو، د افغانستان د صورتحال نېغ په نېغه په پاكستان آغېز كېږي، د پاكستان او هند په اړيكو كښې نرېندر مودي لوي خنډ دے، د كورونا وبا په وجه په ټوله نړۍ كښې د ضرورت څيزونو په بيعو كښې اضافه شوې، سږ كال د غنمو او ګني ريكارډ پېداوار شوے، په زرعي معيشت كښې 1100 اربه روپې متنقل شوې دي، د ټېكسټائل صنعت وده كوي، مونږ سره تر كال 2023م د ټېكسټائل نور آرډر اخستلو ګنجائش نشته، د تعميراتو په څانګه كښې هم ريكارډ سرمايه كاري شوې ده. د خالي په ورځ خبري كانفرنس ته د وېنا كولو په مهال د اطلاعاتو وفاقي وزير ووئيل چې په افغانستان كښې امن او استحكام زمونږ خواهش دے، د افغانستان د صورتحال نېغ په نېغه په پاكستان آغېز كېږي، زمونږ هڅه ده چې په افغانستان كښې د طالبانو د حكومت مرسته وكړې شي، په افغانستان كښې امن لپاره زمونږ هڅې روانې دي، مونږ طالبانو ته د جامع حكومت جوړولو او امريكې او لوديځ والو ته د افغان حكومت قوي كولو وايو. ده ووئيل چې مونږ به د منطقې نورو هېوادونو سره په ګډه د طالبانو د حكومت تسليم كولو پرېكړه كوو، په يو اړخيزه توګه به افغان حكومت تسليم نه كړو. ده ووئيل چې افغان طالبانو سره خبرې كوو چې دوي نورې ډلې هم ځان سره ملګرې كړي. ده ووئيل چې په پاكستان كښې د ډالر بيعې زياتېدو لويه وجه ډالر افغانستان ته قاچاق كېدل دي، زمونږ ترجيح ده چې په افغانستان كښې استحكام راشي، مونږ د ډالرو د قاچاق مخ نيوي لپاره اقدامات كړي دي. ده ووئيل چې د افغانستان مرسته هم كوو چې مقصد ئې په افغانستان كښې استحكام راوستل دي چې دغسې هلته يو داسې مركزي حكومت جوړ شي چې مونږ ورسره اړيكې جوړې كړې شو. د اطلاعاتو او خپرونو وفاقي وزير چوهدري فواد حسېن ووئيل چې د كورونا وبا په وجه په ټوله نړۍ كښې د ضرورت څيزونو په بيعو كښې اضافه شوې، سږ كال د غنمو او ګني ريكارډ پېداوار شوے، په زرعي معيشت كښې 1100 اربه روپې متنقل شوې دي، د ټېكسټائل صنعت وده كوي، مونږ سره تر كال 2023م د ټېكسټائل نور آرډر اخستلو ګنجائش نشته، د تعميراتو په څانګه كښې هم ريكارډ سرمايه كاري شوې ده. د پاكستان او هند د كركټ مېچ په اړه وفاقي وزير ووئيل چې د ټولو پاكستانيانو زړونه د كركټ خپلې ډلې سره تړلي دي، كركټ مونږ ټول په خپلو كښې نزدې كوي، د ټولو خلقو دعاګانې د پاكستان د كركټ لوبډلې سره دي. ده ووئيل چې پاكستان به دا مېچ ګټي، د پاكستان په كركټ ډله مونږ فخر كوو. د يوې پوښتنې په ځواب كښې ده ووئيل چې كه هند سره زمونږ اړيكې ښې شي نو پاكستان به د دوه لويو منډيو په مېنځ كښې وي او مونږ به د مېنځنې اسيا هېوادونو ته يوه مهمه لار وركړے شو.
افغان حكومت به په يو اړخيزه توګه تسليم نه كړو، د پاكستان او هند په اړيكو كښې نرېندر مودي لوي خنډ دے، د كورونا وبا په وجه په ټوله نړۍ كښې د ضرورت څيزونو په بيعو كښې اضافه شوې. د اطلاعاتو او خپرونو وفاقي وزير چوهدري فواد حسېن خبري كانفرنس ته وېنا
مضمون کا ماخذ : نتیجہ میگا سینا
متعلقہ مضامین
