اسلام آباد۔30نومبر(اے پی پی) صدر مملكت ډاكټر عارف علوي د بينکنګ محتسب د 6 پريکړو په ضد د نجي بينک اپيل مسترد کولو سره د بېنكنګ فراډ 6 ځپليو ته د 8 لكه 27 زره نه د زيات رقم بېرته وركولو حكم په ځائې ساتلې دې۔ صدر مملكت د بېنكنګ محتسب د پرېكړو په ضد د حبيب بېنك 5 او د ميزان بېنك 1 اپيل مسترد كولو سره نجي بېنكونو ته د فراډ ځپليو وګړو غلا شوې رقم د هغوي په بېنك اكاؤنټ كښې د جمع كولو هدايت كړې دې۔ د كېسونو تفصيلات لمخې د شکایت كوؤنكو محمد پرویزخان، کاشف لطیف، نعمت علی، انتظاراحمد، آسیه منظور او محسن شبیر په حبیب بینک لمېټډ كښې اكاؤنټس وو كومو څخه چې نامعلومه وګړو د فراډ د لارې د ياد شويو نومونو د ترتيب لمخې 3333000 ، 140000 ، 137489 ، 119848 ، 78780 او 20108 روپۍ منتقل كړې وې۔ دې نه وروستو دوئي ته د بېنك لخوا د دوئي د اكاؤنټس نه د لويې رقم د وتلو پېغامونه ترلاسه شول۔ دوئي بېنك سره رابطه وكړه ولې دوئي ته كوم ريليف ورنكړې شو۔ دوئي په ذاتي توګه د شكايت ازالې لپاره بېنكنګ محتسب سره تماس ونيولو۔ بینکنګ محتسب په خپله پرېكړه كښې وليكل بېنک په قواعد او ضوابط د عملدرآمد كوم ثبوت ورنكړې شو ځكه بېنك دې شكايت كوؤنكو ته فراډ شوې رقم بېرته وركړي۔ د بېنکنګ محتسب دې پرېكړې په ضد بېنك صدر مملكت ته اپيل وكړو۔ صدرمملکت په خپله پرېكړه كښې وليكل چې بېنکونو ته د شكايت كنندګانو اعادګانو نفي كولو او د خپل دريځ د دفاع بشپړه موقعه وركړې شوه خو د بېنكنګ محتسب احكامات بېرته اخستلو په اړه بېنك كومه توجيح وړاندې نه كړې شوه۔ صدر مملكت په خپل پرېكړه كښې وليكل چې بېنك د قانون لمخې په خپله قانوني ذمه وارۍ كښې ناكامه پاتې شوې دې۔ صدر مملكت د بېنكنګ محتسب پرېكړو په ضد د بېنك ټول اپيلونه مسترد كړل۔
صدر مملكت د بينکنګ محتسب 6 پريکړو په ضد د نجي بينک اپيل مسترد کړو٬د فراډ 6 ځپليو ته د 8 لكه 27 زره نه د زيات رقم بېرته وركولو حكم په ځائې وساتلې شو
مضمون کا ماخذ : جنگل کا بادشاہ
متعلقہ مضامین
