اسلام آباد۔9مارچ (اے پی پی) د مسلم لیګ (ن) او نورو اتحادی ګوندونو صدارتي كانديد آصف علی زرداری د 411 ووټونو په ترلاسه كولو صدر مملكت ټاكلے شوے دے۔ د ده په مقابله كښې د مخالفې ډلې ګوندونو كانديد محمود خان اچکزئی 181 ووټونه ترلاسه كړل۔ د الېكشن كمېشن لخوا د جاري كړې شويو غېر حتمي سركاري نتيجو له مخې د صدر مملكت ټاكنې لپاره په مجموعي توګه په پارليمنټ او څلور واړو صوبو كښې 5 پولنګ سټېشنونه جوړ كړې شوې وو۔ په قومي اسمبلي هال كښې د قومي اسمبلۍ او سېنېټ غړو لپاره جوړ كړې شوي پولنګ سټېشن څخه د حكمران اتحاد كانديد آصف علي زرداري د 411 ووټونو په ترلاسه كولو كامياب وګرځولے شو ٬ د ده په مقابله كښی د سني اتحاد كونسل او نورو مخالفو ډلو كانديد محمود خان اچكزئي181 ووټونه ترلاسه كړل۔ د قومی اسمبلۍ ، سېنېټ او څلورو واړو صوبو ټولو 1044 غړو د رايې حق وكارولو۔ د حكمران اتحاد كانديد 411 ووټونه ترلاسه كړل۔ د پولنګ عمل تر 4 بجو روان پاتے شو۔ د اعلان شوې نتيجې له مخې د صدر مملكت ټاكنې لپاره په الېكټورل كالج كښې ټول ووټونه 1185 وو په كومو كښې چې 92 نشستونه خالي دي۔ ټولو 1044 ووټرانو د رايې حق وكارولو په كومو كښې چې د 9 ووټرانو ووټونه مسترد كړې شول۔ 1035 ووټ سم وګرځولې شول۔ د پریذائیډنګ افسرانو لخوا د حتمي نتيجې ترلاسه كېدو څخه وروستو به د الېكشن كمېشن لخوا د كامياب كانديد نوټيفكېشن د اتوار په ورځ جاري كولې شي۔
آصف علی زرداری د 411 ووټونو په ترلاسه كولو صدر مملكت وټاكلے شو
مضمون کا ماخذ : comprar raspadinha
متعلقہ مضامین
