اسلام آباد۔22نومبر(اے پی پی) وفاقی وزیر تجارت جام کمال خان پاکستان دے ترائ?? ماہی تجارتی اعدادوشمار دا جائزہ گھنݨ ??انڳے ھک اعلیٰ سطح دے اجلاس دی صدارت کیتی۔ جاری اعلامیہ موجب وفاقی وزیر تجارت کوں اجلاس اچ بین الاقوامی تجارت دے تازہ ترین رجحانات اتے برآمدات ودھاوݨ سانڳے بݨائی ڳئی حکمت عملی دا ݙسایا ڳئے ۔ اجلاس اچ کامرس حکام اہم تجارتی شراکت داراں نال تجارتی کارکردگی دا ھک جامع جائزہ ݙتے ، ابھردی ہوئی برآمدی منزلاں اتے ن??یں متعارف کرائی ڳئی برآمدی چیزاں دا وفاقی وزیر کوں ݙسایا ڳئے۔ بریفنگ اچ مارکیٹ تئیں رسائی ودھاوݨ تے تجارت اچ تکنیکی رکاوٹاں ہٹاوݨ سانڳے عملی تجویزاں دی وی احاطہ کیتا ڳئے ، پاکستانی مصنوعات کوں عالمی منڈیوں تئیں پڄاوݨ یقینی بݨاوݨ دے بارے ڳالھ مہاڑ کیتی ڳئی ۔ اجلاس اچ ٻاہرلے عوامل دے اثرات، جیھے عالمی اقتصادی لہہ چڑھ تے جغرافیائی سیاسی غیر یقینی صورتحال تے وی ڳالھ مہاڑ کیتی ڳئی ۔ کامرس افسراں دیاں کوششاں دی تعریف کریندے جام کمال وزیر اعظم شہباز شریف دے برآمدات تے مبنی ترقی دی حکمت عملی دے وژن کوں اڳوں ودھاوݨ اچ وزارت تجارت دے مرکزی کردار تے زور ݙتے۔ انھاں آکھیے ساݙی معیشت دی کامیابی دا انحصار مضبوط برآمدی بنیاد تے ہے ۔ اے سارے اسٹیک ہولڈرز بشمول صوبیں تے متعلقہ محکمیں توں سنجیدہ عزم تے تعاون تے مبنی کوششاں دا مطالبہ کریندے ۔ جام کمال برآمدات دی قیادت اچ ترقی دی حکمت عملی کوں سنجیدگی نال انجام ݙیوݨ دی اہمیت دا اعادہ کیتے ۔اجلاس اچ تجارتی رکاوٹاں تے قابو پاوݨ تے برآمدات دے ذریعے پائیدار اقتصادی ترقی گھنݨ ??انڳے ھک متفقہ نقطہ نظر دی لوڑھ تے زور ݙتا ڳئے۔
