اسلام آباد۔2اکتوبر(اے پی پی) وزیرا??ظم محمد شہباز شریف نال ممتاز اسلامی سکالر ڈاکٹر ذاکر نائیک ملاقات کیتی۔ ایں موقع تے وزیرا??ظم آکھیے اسلام امن دا دین اے تے ذاکر نائیک اسلام دا صحیح سنھیا لوکاں تئیں پڄا تے ھک اہم فرض نبھیندے پئن ۔ وزیرا??ظم آفس دے میڈیا ونگ توں جاری بیان موجب وزیرا??ظم پاکستان آوݨ تے ڈاکٹر ذاکر نائیک دا خیر مقدم کریندے آکھیے امت مسلمہ تساں تے ماݨ اے جو تساں دنیا کوں اسلام دے صحیح تشخص نال روشناس کروائے،اے امر ٻہوں خوش آئند اے جو تساݙے سامعین اچ ھک وݙی تعداد نینگراں دی ہے ۔وزیرا??ظم آکھیے میں تساݙے لیکچرز ٻہوں شوق نال سݨداں جیڑھے ٻہوں پرمغز اتے تاثیر توں بھرپور ہوندن ۔وزیرا??ظم آکھیے میکوں اے ڄاݨ تے خوشی تھئی اے جو تساڈا پتر دی تساڈے نق?? قدم تے چلدا پئے تے دین اسلام دی خدمت کریندا پئے ۔ وزیرا??ظم 2006 اچ ڈاکٹر ذاکر نائیک نال آپݨی پہلی ملاقات دا ذکر وی کیتا ۔ایں موقع تے ڳالھ کرین??ے ڈاکٹر ذاکر نائیک آکھیے میں 1991 اچ پاکستان دا پہلا دورہ کیتا ہئی تے ہݨ تئیں ایندیاں یاداں تازہ ہن۔ڈاکٹر ذاکر نائیک آکھیے پاکستان دنیا دا واحد ملک اے جیڑھا اسلام دے ناں تے بݨیا، اسلام ھک مکمل ضابطہ حیات اے جیڑھا اساکوں ہر معاملے اچ رہنمائی ݙیندے۔وزیراعظم آکھیے جے اساں اسلام دے رستے تے چلسوں تاں کامیاب تھیسوں،میݙا ایہو مشن اے جو دنیا اچ اسلام دا سنھیا عام کروں۔ ڈاکٹر ذاکر نائیک وزیرا??ظم کوں ݙسایا جو اواسلام آباد دے علاوہ کراچی تے لاہوراچ وی لیکچرز ݙیسن ۔وزیرا??ظم ڈاکٹر ذاکر نائیک سانڳے نیک خواہشات دا اظہار کیتے ، ڈاکٹر ذاکر نائیک آکھیے اڄ میݙی پاکستان آوݨ دی خواہش پوری تھئی جیں تے ٻہوں خوشی تھئی اے ،پاکستان دنیا دے نق?? تے واحد ملک اے جیڑھا جو اسلام دے ناں تے معرض وجود اچ آئے ، پاکستان دے عوام دا اسلام نال گھاٹا لگاؤ اے ،اڄ اللہ میݙی خواہش پوری کیتی تے میں پاکستان دے پہلے سرکاری دورے تے آیاں ، ایں تے میں پاکستان دی حکومت دا شکر گزار ہاں جیں سݙیے ، انھاں آکھیے پاکستان دا ھک خصوصی درجہ اے، پاکستان دے مختلف شہراں دا دورہ کریساں ،علماء کرام نال ملاقاتاں تھیسن تے پبلک لیکچر ݙیساں
