مظفر آباد۔15دسمبر(اے پی پی) نګران وزیراعظم انوار الحق کاکړ وئيلي دي زمونږ دفاعي صلاحيت له امله څوك پاكستان ته په خيرنه سترګه د كتلو جراﺀت نه لري٬ د ملګرو ملتونو د قراردادونو او د كشميري اولس د هيلو له مخې د رائے حق كارولو نه ځانله د كشمير مسئلې كوم هم حل به قبلول نه كړے شي٬ مودي مقبوضه كشمير د نړۍ په لوي زندان بدل كړے٬ اسرائيل د فلسطينيانو نسل كشي كوي٬ پام بايد دې پلو وګرځولې شي چې د اسرائيلي شرمخ نېتن یاهو لاس څنګه ونيولے شي٬ دغلته دې جنګ بندي وي او بشري كورېډور دې پرانستلے شي٬ په پاكستان كښې په قانوني توګه مېشته غېر ملكيان بېرته نه لېږلے كېږي ٬ خپل وسائل په غېر قانوني توګه مېشته وګړو باندې نه په خپلو وګړو مصرف كول دي ٬ معيشت مخ په ښه كېدو دے ٬ هيله ده چې د سود شرح به هم كمه كړې شي٬ پوهنتونونو ته د پېښو مسئلو حل كولو له هڅې كوؤ٬ داخلو لپاره به د كوټې مسئله به مشاورت سره حل كولې شي٬ وفاقي حکومت به د آزاد جموں و کشمیر د زده كوؤنكو مسئلې حل كولو له خپل بشپړ كردار ترسره كوي۔ د جمعې په ورځ د آزاد جموں وكشمير پوهنتونونو زده كوؤنكو سره خبرو كښې نګران وزيراعظم ووئيل د پاکستان آبادي 24 کروړ ده او 60 څخه تر 65 فيصده په ځوانانو مشتمله ده۔ په بهر هېوادونو كښې مېشته كشميريان د كشمير د ازادۍ تحريك مهمه برخه دي۔ ده ووئيل ځوانان بايد په دې خبره پوهه شي چې دوئي د كومې څانګې زده كړې ترلاسه كوي په عملي مېدان كښې د دې څه اهميت دے۔ ده ووئيل اېچ اي سي سره د میډیکل او نورو څانګو زده كړو ته وده وركولو له زمونږ تفصيلي خبره شوې۔ داخلو لپاره به د كوټه سسټم مسئله به مشاورت سره حل كولې شي۔ د يوې بلې پوښتنې په ځواب كښې وزيراعظم ووئيل د زده كړو يو ډول نصاب يوه جدي معامله ده او دا يو چېلنج هم دے ٬ په جدي بحث سره مونږ كومې نتيجې ته رسېدې شوو٬ پارلېمنټ له به په دې لړ كښې كردار ترسره كول وي۔ ده ووئيل طبي زده كړو لپاره يوه نوې پالېسي جوړولې شي٬ تر 15 جنورۍ به منظورۍ لپاره كابينې ته وړاندې كړې شي۔ وزيراعظم ووئيل نرېندر مودي مقبوضه كشمير نه د نړۍ تر ټولو لوي زندان جوړ كړے٬ د خلقو په نقل وحركت او يو بل سره په ملاقات كولو بندېز لګولے شوے ۔ دا ټولې مسئلې به هغه وخت حل شي كله چې د كشمير مسئله په حتمي توګه حل شي او د حتمي حل څخه وروستو به ټولو لپاره آسانۍ رامخې ته شي۔ نګران وزيراعظم كاكړ ووئيل د ملګرو ملتونو د قراردادونو او د كشميري اولس هيلو له مخې د رائے حق كارولو نه ځانله د كشمير مسئلې كوم هم حل به قبول نه كړے شي۔ ده ووئيل د كشمير د آزادۍ په تحريك كښې د زرګونو په شمېر كشميريانو د خپلې وينې او ځانونو قرباني وركړې ده۔ پاكستان د دې مسئلې د لاسه درې جنګونه كړي دي۔ ده ووئيل د كشمير مسئلې په اړه به خپل دريځ څخه يو انچ هم وروستو نه شوو او دا به په هر فورم رامخې ته كوؤ۔ پاكستان به د كشميري اولس اخلاقي ٬ سياسي او سفارتي ملاتړ روان ساتي۔ ده ووئيل د هاؤس جاب معاوضه بايد په ټول هېواد كښې يو برابر وي۔ كه وفاقي حكومت په دې لړ كښې كوم كردار ترسره كولې شي نو هغه به ضرور ترسره كوي ٬ وزيراعظم اموار الحق كاكړ ووئيل سټېټ بېنک په كال 2019 كښې خود مختار كړے شوے۔ مونږ د سود په شرح كښې كمي لپاره په سټېټ بېنك زور نشو راوړلے۔ ده ووئيل معيشت مخ په ښه كېدو دے او هيله لرؤ چې په سباؤن كښې به د سود په شرح كښې لا كمے رامخې ته شي۔ ده ووئيل د سکالرشپ په وركولو كښې بايد چاسره امتيازي سلوك ونكړے شي۔ په لېپ ټاپ سکیم كښې به هم كشميري زده كوؤنكي نه نظر انداز كېږي۔ د يوې پوښتنې په ځواب كښې ده ووئيل د هند سپريم كورټ پرېكړې په اړه د آزاد كشمير مشرتابه او حريت لارښودو سره اوږد مشاورت شوے او پرېكړه شوې چې مونږ به په پورا قوت سره د كشمير مسئله رامخې ته كوؤ۔ ده ووئيل ما غزه هغه ځائے ګرځولے چرته چې ماشومانو سره هولوكاسټ كولې شي٬ د اسرائيلي جنګي جرمونو تذكره مو هر ځائے كړې ده او بيا به يۍ هم كوؤ۔ ده ووئيل اسرائيل چې كوم ظلمونه كوي په انساني تاريخ كښې ئي مثال نه موندلے كېږي۔ د حضرت موسیٰ علېه السلام د اتباع ادعا كوؤنكي فرعونيان جوړ شوي٬ اسرائیل د فلسطينيانو نسل كشي كوي۔ پام بايد دې پلو وګرځولې شي چې د اسرائيلي شرمخ نېتن یاهو لاس څنګه ونيولے شي٬ دغلته دې جنګ بندي وي او بشري كورېډور دې پرانستلے شي۔ نګران وزيراعظم ووئيل پاكستان فلسطينيانو وروڼو سره ولاړ دے۔ په پاكستان كښې په غېر قانوني توګه د مېشته بهرنيو وګړو خپلو هېوادونو ته د ستنېدو په اړه د يوې پوښتنې په ځواب كښې نګران وزيراعظم ووئيل مونږ يو افغان كډوال هم بېرته نه دے لېږلے ٬ 50 لكه افغان كډوال پاكستان كښې پاتې دي٬ په دوئي كښی د 16 څخه تر 17 لکه كسانو رجسټرېشن وكړے شو۔ په دوئي كښې يو هم بېرته نه دے لېږلے شوے۔ ده ووئيل مونږ له خپل وسائل په خپلو وګړو مصرف كول دي ٬ په غېر قانوني توګه دلته پاتې كېدونكو باندې نه۔ ده ووئيل مونږ چا سره د جنګ كولو شوق نه لرؤ خو كه څوكه مونږ كمزورې ګڼي يا دا وائي چې چرته به سر ټيټي شوو نو هغوي دې خپله دا غلط فهمي لرې كړي۔ كه هغوي 30 جنګونه كولې شي نو مونږ 300 سوه جنګونه كولو له چمتو يؤ۔ زمونږ د دفاعي صلاحيت له امله څوك پاكستان ته په خيرنه سترګه د كتلو جراﺀت نه لري۔ ده ووئيل زه دلته مشاورت لپاره راغلے يم او خبرې اترې كوم۔ د يو بل ډاډګيرنه كوؤ او يو بل څخه زده كړه كوؤ۔ ده ووئيل په سفارتي كچه كه د كوم اقدام غندنه كېږي نو دا هم سفارتي غوښتنه وي او دا بايد نظر انداز نه كړے شي۔(MWA/ZIA/1853)
زمونږ دفاعي صلاحيت له امله څوك پاكستان ته په خيرنه سترګه د كتلو جراﺀت نه لري٬ د وزيراعظم انوار الحق د آزاد جموں وكشمير پوهنتونونو زده كوؤنكو سره خبرې
مضمون کا ماخذ : resultados loteria ریو ڈی جنیرو
متعلقہ مضامین
