اسلام آباد 03جون (اے پي پي) د پټروليم وزير مملکت ډاکټر مصدق ملک اوشاهد خاقان عباسي وئيلي دي كه د پټرول او ډيزل بيعه نه وه زياته شوې نو معيشت ړنګېدو٬ هېواد د بربادۍ او ديواليه كېدو نه ساتلو لپاره سختې پرېكړې شوي، په نړۍ كښې يو هېواد داسې نشته چې ګران پټرول اخلي او ارزان ئې خرڅوي، حکومت د 40 زره روپو نه د كم آمدن كسانو ته سبسډي وركوي، په كلنه توګه 2500 اربه روپۍ سبسډې نشو زغملې، معاشي استحکام او په استقامت ترلاسه كولو كښې به څو مياشتې لګي، روسيه څخه د ارزانو تېلو اخستو كومه لوظنامه يا اېم او يو نشته ،د عمران خان د سبسډي قيمت نن اولس د ګرانو پټړولو اغستو په صورت ادا كوي، د حکومتي اقداماتو له امله روپۍ مستحكمه شوې او معيشت به ترقي كوي۔ د جمعې په ورځ د ګډې پرېس كنفرنس ته خپلې وېنا كښې ډاکټر مصدق ملک ووئيل وزيراعظم شهباز شريف او د مسلم ليګ (ن) قائد ميا نوازشريف دا پرېكړه كړې چې اولس له د ريليف وركولو نه غېر به د پټروليم مصنوعات بيعه نه زياتېږي ٬ مونږ په دې لړ كښې درې ځله تګلاره جوړه كړې كومه چې وزيراعظم نه ده قبوله كړې٫ ده ووئېل دا مهال په هرو شپږو كښې د څلورو كورنيو آمدن د 37 زره روپو نه كم دے ٬ هر بې وسه كورنۍ ته د خپلو ضرورتونو ترسره كولو پاره دوه زره روپۍ وركړې كېږي٬ د 40 زره آمدن بې وسه كورنيو ته سهولت وركوٶ٬ مونږ لېوي او سېلز ټېكس نه دے زيات كړے٬ حكومت خپله هم بوجھ زغمي او پاتې بوجھ تقسيموي٬ هېواد د ټوټې كېدو سازش او د بربادۍ نه ساتلو لپاره سختې او مهمې پرېكړې كول وي۔ د يوې پوښتنې په ځواب ده ووئيل د تېر حكومت ختمېدو نه څه ورځې وړاندې د توان وزير يو خط ليكلے ٶ چې پكښې روسيه سره د تجارت ودې او د پټروليم مصنوعات تجارت لپاره خواست شوے٬ په دې لړ كښې د دواړو هېوادونو ترمېنځه لوظنامه نه ده شوې او د تفاهم په يادښت لاسليك شوے٬ ده ووئېل كه 30 فيصد ارزان تېل راتلل نو د پي اېس او په ټېنډر كښې ولې نه راځي۔ د يوې پوښتنې په ځواب ده ووئيل په معاشي استقامت او استحکام په بحالۍ كښئ به څو مياشتې لګي۔ شاهد خاقان عباسي ووئيل نن په پټروليم مصنوعات نه لېوي شته او نه سېلز ټېكس ٬ د پرچېز بعيه هم پوره نه وصولېږي ، كه د پټروليم مصنوعات بيعه نه وه زياته كړې شوې نو معيشت ډوبېدو٬ سختې پرېكړې نه كول به دا مهال هېواد او اولس سره زياتې وي٬ده ووئېل په قرض اخستو بيعه ټيټه ساتلو سره د هېواد په معيشت منفي اثرات مرتب كېږي٬ حکومت نن د پټروليم په مصنوعاتد مياشتې رعايت وركوي٬ نړۍ كښې د تېلو بيعه تاريخي كچې ته رسېدلې ٬ زمونږ دفاعي خرڅونه 1700 اربه روپۍ دي او ټول حكومت په 520 اربه روپۍ چلېږي،ده ووئېل په دې كښې د 30 نه تر 40 اربه روپۍ به د پټرول په مد كښې خرڅ كېږي، د دې كمولو معامله به كابينه ته وړاندې كوٶ۔ د يوې پوښتنې په ځواب ده ووئيل برآمدي څانګه ته عمرله ګاز وركړے كېږي دغسې چې ھغوي نړيوال ماركيټ سره مسابقت وكړے شي٬ ھغه اوس نيم كړے شوے۔ د خالي رخصتۍ پحقله د يوې پوښتنې په ځواب شاهد خاقان عباسي ووئيلوزيراعظم په اوونۍ كښې د زيات كار كولو لپاره شپږ ورځې د كار كولو پرېكړه كړې وه ٬ ھغه پرې اوس نظر ثاني كوي ګورو چې څه نتيجه ئې راوځي ځكه چې يو خوا كار كول دي او بلخوا په خرڅونو كښې كمے راوستل
كه د پټرول او ډيزل بيعه نه وه زياته شوې نو معيشت ړنګېدو۔ دډاکټر مصدق ملك او شاهد خاقان عباسي خبري كنفرنس
مضمون کا ماخذ : میگا فارچیون
متعلقہ مضامین
