اسلام آباد 13 فروري (اے پي پي) وزيراعظم عمران خان وئيلي دي چې افغان اولس د خوراك بحران او غذائي قلت سره مخ دے، هلته ډېره لويه انساني الميه پېدا كېدې شي، د افغانستان اكاٶنټس منجمد كولو سره افغان اولس سخت ځپلې كېږي، په سنكيانګ كښې هغه صورتحال نه دے كوم چې په مغربي مېډيا وړاندې كولې شي، هند په مقبوضه كشمير كښې د معصوم خلقو نسل كشي كوي، د امريكې لخوا د ترهګرې په ضد جنګ سره په ټوله نړۍ كښې د ترهګرو په شمېره كښې اضافه شوې، په دې جنګ كښې پاكستان د 80 زره كسانو قرباني وركړې. د اتوار په ورځ د امريكې ټي وي سي اېن اېن سره په ځانګړې مركه كښې د يوې پوښتنې په ځواب كښې ده ووئيل چې بايد امريكا په دې پوهه شي چې د طالبانو حكومت نه خوښول يو څيز دے خو دا تقريباً د 4 كروړه افغانانو د بقا سوال دے چې پكښې نيم ډېر خطرناك صورتحال سره مخ دي. دوي د خوراك بحران او غذائي قلت سره مخ دي. د افغانستان ساړه ډېر ظالم او بې رحم دے، راتلونكو څو مياشتو لپاره افغان اولس لپاره هر څوك فكرمند دي. هلته لويه انساني الميه پېدا كېدې شي. دا صورتحال پېدا شوے دے. وزيراعظم ووئيل چې د دې سوا كومه بله چاره نشته چې د طالبانو حكومت سره په ګډه كار وكړے شي او دوي سره په بشري حقونو او په خاص توګه د مېرمنو په حقونو او ټولشموله حكومت په غوښتو خبرې وكړې شي. بندېزونه لګولو او اكاٶنټس منجمد كولو سره به انساني الميه پېدا شي او افغانستان به اړي ګړي سره مخ شي، د افغان كډوالو سېلاب راتللې شي، په پاكستان كښې د وړاندې دېرش لكه افغان كډوال دي، په افغانستان كښې امن د نړۍ او د پاكستان په ګټه دے. د يوې پوښتنې په ځواب كښې ده ووئيل چې امريكې ته به د ډرون بريدونو په پالېسې نظرثاني كول وي، د ترهګرې په ضد جنګ كښې په پاكستان كښې د ځانمرګي بريدونو سېلاب راغلو. د سنكيانګ په اړه د پوښتنې په ځواب كښې وزيراعظم ووئيل چې په هند كښې د آر اېس اېس د نظرئې حكمراني ده، د مقبوضه كشمير او سنكيانګ د معامله د تقابلي جائزه غلطه ده، هند په مقبوضه كشمير كښې د بې ګناه خلقو نسل كشي كوي، مقبوضه كشمير د پاكستان او هند ترمېنځه يو مسلمه لانجمنه سيمه ده. نړۍ دا شخړه مني. ده ووئيل چې مونږ د سنكيانګ صورتحال معلومولو لپاره خپل سفير معين الحق سنكيانګ ته ولېږلو. د هغه له مخې صورتحال هغسې نه دے څنګه چې ئې تصوير كشي په مغربي مېډيا كولې شي.
افغان اولس د خوراك بحران او غذائي قلت سره مخ دے، هلته ډېره لويه انساني الميه پېدا كېدې شي، د افغانستان اكاٶنټس منجمد كولو سره افغان اولس سخت ځپلې كېږي. د وزيراعظم عمران خان سي اېن اېن سره مركه
مضمون کا ماخذ : سکاراب ملکہ
متعلقہ مضامین
