راولپنڈی۔27دسمبر(اے پی پی)پاک فوج دے ترجمان لیفٹیننٹ جنرل احمد شریف آکھیے جو انصاف دا عمل 9 مئی دے اصل گھنائونے کرداراں کوں کیفر کردار تے پچاوݨ تئیں چلدا رہسی، 2021ء اچ کیندی مرضی ہئی جو اے مسئلہ ڳالھ مہاڑ نال حل کیتا ونڄے؟ ہک ڄݨے دی غلطی قوم کوں اپݨی رت نال چکاوݨی پئی اے، فورسز غلط فیصلاں دے دھبے اپݨی رت نال دھوندیاں پن۔ راولپنڈی اچ پریس کانفرنس کریندے انہاں آکھیا جو پچھلے 5 سال دے مقابلے اچ ایں سال سب توں ودھ دہشت گرد ماریے گئن، افواج پاکستان دہشت گردی دے کئی منصوبے کامیابی نال ناکام ٻݨائن اتے آپریشنز اچ دہشت گرداں توں بھاری اسلحہ برآمد کیتے، سال 2024ء اچ اہم دہشت گرداں سودھا 925 دہشت گرد مارین، آپریشنز اچ 73 انتہائی مطلوب دہشت گرد ہلاک تھئین، 2 خود کش بمبار پکڑین، 14 مطلوب دہشت گرداں ہتھیار سٹین، 383 افسران اتے جوان شہید تھئین۔ انہاں آکھیا جو پاکستان افغانستان اچ امن کیتے وݙیاں کوششاں کیتن ٻھل ایندے باوجود افغان سرزمین توں دہشت گرد پاکستان اچ دہشت گردی کریندے پن، افغانستان توں دہشت گرداں دے نیٹ ورکس مکاوݨ اچ کوئی کسر نا چھڑیسوں۔ ڈی جی آئی ایس پی آر آکھیا جو پاک فوج بھارت دی کہیں وی جارحیت دا ولدا ݙیوݨ دی ودھ صلاحیت رکھدی اے، بھارت دے مقبوضہ کشمیر اچ مظالم ہر کوئی ݙیہدا پئے جتھاں عالمی قوانین دی کھلی خلاف ورزی کیتی ویندی پئی اے، اساں مقبوضہ کشمیر دے مظلوم عوام دے نال ہیں، بھارت اچ سکھاں سودھا اقلیتاں دی نسل کشی کیتی ویندی پئی اے، اساں مقبوضہ کشمیر دے مظلوم عوام دی قانونی، سفارتی و اخلاقی حمایت جاری رکھسوں۔ انہاں آکھیا جو دہشت گردی دے ناسور دے خلاف پ??ری قوم اداریاں دے نال رل تے لڑنے، محفوظ پاکستان ہی مضبوط پاکستان اے، پاکستان اچ دہشت گردی، بھتہ خ??ری اتے ??مگ??نگ دا ارباں روپے دا سپیکٹرم موجود اے، دہشت گردی اوں ویلھے مکسی ڄݙاں انصاف، تعلیم، صحت اتے گڈ گورننس ہوسی، دہشت گردی اتے جرائم دا گٹھ جوڑ ختم تھیسی، فیک نیوز ہک وݙا مسلہ اے، سیکیورٹی ادارے غیرقانونی سپیکٹرم کوں تروڑݨ کیتے ودھے ہوئن۔ لیفٹیننٹ جنرل احمد شریف چوہدری آکھیا جو 8 لکھ توں ودھ غیرقانونی مقیم افغاناں کوں گھر ٻھڄوا ݙتے، ملک دی ڈیجیٹل سرحداں کوں محفوظ ٻݨاوݨ کیتے وی اقدامات تھیندے پن، بلوچستان اچ احساس محرومی دے کوڑے بیانیے دا نقاب لہندا پئے۔ انہاں آکھیا جو ݙو سال توں افغان عب??ری حکومت نال رابطے تے ڳالھ مہاڑ تھیندی پئی اے، افغان حکومت کوں بہوں آکھیے جو فتنہ الخوارج اتے سہولت کاری کوں روکن، افغانستان دی خود مختاری دا احترام اے ٻھل ڈیجیٹل سرحد محفوظ کرݨ کیتے قانونی اتے تکنیکی اقدامات کریندے پئے ہیں۔ سیاسی جماعتاں دے مذاکرات اچ اسٹیبلشمنٹ دے کردار دے سوال تے انہاں ولدا ݙتے جو پاک فوج دا ہر حکومت نال سرکاری اتے پیشہ وارانہ تعلق ہوندے ڄیکوں سیاسی قرار ݙیوݨ درست نئیں، ساریاں سیاسی جماعتاں اتے لیڈرز قابل احترام ہین، چنڳی ڳالھ اے جو سیاستدان مل ٻیھتے اپݨے معاملات حل کرن، کہیں سیاسی لیڈر دی اقتدار دی خواہش پاکستان توں بالکل ودھ کائنی۔ ترجمان آکھیا جو 9 مئی کوں مربوط سازش اتے منصوبہ بندی نال سب کڄھ تھئے جیندے اچ ملوث عناصر کوں کیفر کردار تے پچایا ویسی، ملٹری ٹرائل اچ ملزم کوں سٻھے قانونی حقوق ہین، کوئی وی افسر سیاست کوں ریاست تے ترجیح فیسی تاں ولدا ݙیوݨا ہوسی، 9 مئی افواج پاکستان دا نئیں عوام پاکستان دا مقدمہ اے، دہشت گردی دے مسئلے تے کوئی سیاست نئیں تھیوݨی چاہیدی۔ نومبر دھرنے اچ فوج دے کردار اتے اموات بارے ڈی جی آئی ایس پی آر آکھیا جو ایں بارے وزارت داخلہ تفصیلی اعلامیہ جاری کیتا ھا، فوج پرتشدد ہجوم قابو کرݨ کیتے نا ہئی صرف ریڈ زون تے تعینات ہئی، سیاسی قیادت دے مسلح گارڈ اتے ہجوم اچ شامل لوکاں کولو اسلحہ ہا، ایں معاملے تے فیک نیوز دا سہارا ڳھدا ڳئے، فوج کہیں خاص سیاسی جماعت یا نظریہ دی نہ مخالف اے نا حمایتی، 26 نومبر دی سازش دے پیچھو سوچ سیاسی دہشت گردی دی اے، 26 نومبر کوں ہزاراں کارکناں دی شہادت دا کوڑ کھنݙایا ڳئے، اسلام آباد اچ سکیورٹی اہلکاراں کوں کوئی آتشی اسلحہ نئیں ݙتا ڳیا، کوڑا پروپیگنڈا سیاسی قیادت دے ٻھڄݨ تے کھنݙایا ڳئے، پر امن احتجاج دی اجازت اے ٻھل تساں پولیس اتے رینجرز تے حملے کرو، مسلحہ جتھے ڳھن تے آ ونڄو تاں اے سیاسی دہشت گردی اے، انتشاری سیاست دا کنٹرول اندرون ملک سیاسی لیڈرز کولو نئیں، ٻاھرو ٻیٹھے لوکان کولو کنٹرول اے، انسانی حقوق دیاں تنظیماں کوں غزہ فلسطین نئیں ݙسدے؟ ڈی جی آئی ایس پی آر آکھیا جو دہشتگردی دے معاملے تے افغانستان نال وی ڳالھ مہاڑ تھیندی پئی اے، فتنہ خوارج دی کنݙ ٻھنیڄ قئی ہئی تاں کیندے فیصلے تے ڳالھ مہاڑ کر تے انہاں کوں سیٹل کیتا گئے؟ خیبر پختونخوا اچ دہشتگردی تے بیانیہ ٻݨاوݨ تے گڈ گورننس تے توجہ ݙیو، اینڄھے ہر مسلے دا حل بات چیت ہوندا تاں ول جنگاں اتے غزاوت نہ ہوندے۔ ترجمان پاک فوج آکھیا جو پاک فوج دا خود احتسابی دا عمل بہت شفاف اتے جامع ہوندے، پاک فوج اچ کوئی وی افسر اتے جوان قانون توں ٻاھرو نئیں، فیض حمید دا معاملہ ٻہوں حساس اے اتے حالی عدالت اچ زیر سماعت اے، ایندے تے ڄیڑھیاں وی تفصیلات ہوسن او شیئر کر ݙتیاں ویسن، ایندے تے ودھ تبصروں توں گریز کرݨا چاہیدے۔
انصاف دا عمل 9 مئی دے اصل کرداراں کوں کیفر کردار تے پچاوݨ تئیں چلدا رہسی، 2024ء اچ اہم دہشتگرداں سودھا 925 دہشت گرد ماریے ڳن، ڈی جی آئی ایس پی آر لیفٹیننٹ جنرل احمد شریف چوہدری دی پریس کانفرنس
مضمون کا ماخذ : مصری ڈریمز ڈیلکس
متعلقہ مضامین
